Почнува собирањето потписи за Претседател и за пратеници

Рокот за собирање потписи за кандидати за претседател и за кандидати за пратеници започна денеска и ќе трае до 8 март, согласно роковниците на државната изборна комисија. Кога подносител на листа на кандидат за претседател е група избирачи, потребно е да се соберат најмалку 10. 000 потписи од запишаните избирачи во избирачкиот список, додека кога подносител на листа на кандидат за претседател се пратеници, потребно е да се соберат најмалку 30 потписи од пратениците.
ВМРО-ДПМНЕја предлага професорката Гордана Силјановска Давкова, СДСМ објавија дека нивен кандидат ќе биде актуелниот шеф на државата Стево Пендаровски. Кандидатите за претседател вчера ги соопштија и ДУИ кои го предлагаат министерот за надворешни работи Бујар Османи и движење ЗНАМ кои ќе настапат со лидерот Максим Димитриевски. , Стевчо Јакимовски е кандидат на ГРОМ, партијата што ја предводи, професорката Билјана Ванковска на Левица, Арбен Таравари на албанската опозициска коалиција ВРЕДИ . Својата независна кандатура за претседател во октомври, лани, прв ја најави Вело Марковски.
Учесниците на изборите, листите со кандидати за претседател на државата треба да ги достават до дик најдоцна до 19 март, на полноќ…..Рокот за собирање потписи се однесува и за претседателските и за парламентарните избори. Претседателските избори се закажани за 24 април, додека вториот круг од изборите е на 8 мај кога треба да се одржат и парламентарните избори.