Универзитетот „Свети Кирил и Методиј“, денеска во Скопје ги отвори вратите за новата генерација студенти. На шестте факултети на УКИМ годинава се запишани над 10.000 студенти од кои 5100 за првпат ќе ја почнат својата академска приказна, или за 300 повеќе од минатата година, како и уште 400 странски студенти. Министерката Јаневска изрази надеж дека студентите по завршувањето на студиите ќе останат во својата татковина и тука ќе ја градат семејната иднина. Според неа тоа е единствениот пат што води кон просперитет на Македонија.
„На студентите им овозможивме го проширивме опсегот на студентскиот оброк, олеснивме критериуми за стипендиите, ги откочивме процесите во студентските домови, процесот на двата факултети ФИНКИ И ФФК. Наставниците добија 14% зголемена плата, што значи дека правиме се за да го подобриме квалитетот на образованието. Годинава за првпат студентите и наставниците имаат бесплатен пристап до две огромни бази Web of science, како и базата Scopus, студентите ќе добијат ваучери, од 250 евра по изборите“, изјави Весна Јаневска, министерка за образование и наука.
Решен е проблемот и со бесплатниот јавен превоз на студентите во Скопје, децидна е Јаневска. Изгласан е и закон со кој студентите ќе добијат вредносни ваучери за обезбедување на персонален компјутер, таблет или лаптоп. Рекотрката Ангелова изрази задоволство од реформите, особено во делот на дигитализцаијата и воведениот електронски индекс.
„Новата генерација која денес почнува со студиите ќе биде целосно дигитализирана. Сите студентски сервиси се комплетно дигитализирани и јас оваа генерација можам да ја наречам електронски индекс генерација. Оваа генерација почнува со електронски индекс, а и сите кои веќе се запишани од оваа учебна година ќе го користат електронскиот индекс што значи комплетно сите услуги, сите сервиси за студентите се дигитализирани, рече Биљана Ангелова, ректор на УКИМ“.
Ангелова очекува дигитализацијата комплетно да биде завршена до крајот на оваа учебна година. За иднината полна со предизвици, зборуваат и самите бруцоши – со надеж дека знаењето ќе биде нивниот патоказ.
„Предизвикувачка година ќе биде ова, но одлучив да останам тука, мислам дека има одлични услови.“
Претседателот на Националното студентско тело, Александар Николовски на бруцошите им порача дека не се сами и дека секогаш кога ќе имаат потреба за помош да не се двоумат да ја побараат од постарите колеги, асистентите и професорите.
