По Струмица и Гостивар, и жителите на Општина Василево остануваат без вода за пиење.
Од тамошното комуналното претпријатие ги известуваат жителите од населените места Василево, Градашорци, Ангелци, Едрениково, Добрашинци, Нова Маала и Чанаклија дека по направените микробиолошки анализи било утврдено дека водата не е за употреба. Оттаму додаваат дека подолг период се преземаат мерки за обезбедување пивка вода, преку диспанзери, шишиња вода, како и канистри, а во функција ќе биде ставена и цистерна, но и дека интезивно се работи на филтер станица. Василево е трета општина која во рок од еден месец остана без вода за пиење. Граѓаните на Струмица повеќе од две недели не смеат да ја пијат водата од чешма, а слична е ситуацијата во Гостивар, каде во водата е откриен манган.
