Кризата во Германија, го клекна македонскиот текстил. Се намалуваат нарачките , а поради тоа опаѓа бројот на работници. Секојдневно има најава за отпуштање и затварање на производствени капацитети. Неофицијалните податоци говорат дека минатата година се затворени минимум десетина конфекции. Речиси сите се во источниот дел на државата.
„Јас немам точен попдаток, но од она што ми го кажуваат колегите, на околу десеттина конфекции им е ставено клуч на врата. Сите се речиси од источниот дел….и тие што не затврат ги намалуваат работниците, особено со заминување на постарите работници во пензија и немат намера да вработат нови луѓе и да ја одржт дејноста на она ниво што било порано„ изјави Ангел Димитров, од Организацијата на работодавачи.
Единствено сега што се работи во македонските конфекции се ситни налози со по стотина парчиња, нарачки кои поради малиот обем конфекциите од Бангладеш, не ги прифаќаат. Немањето на работна сила, како и високите трошоци на домашниот пазар, се причини поради кои македонскиот текстил станува неконкурентен. Од некогашните 65.000, во моментот во македонските конфекции работат околу 25.000 работници.
„Од 2010 па наваму производството на облека се наоѓа во постојано опаѓање на бројот работниците, а со тоа опаѓа и бројот на работници и извозот. После корона кризата тоа опаѓање се засили, особено дојде до израз со проблемите што ги има германската економија, како наш најголем партнер. Почетокот на војната во Украина и енергетската криза, тоа предизвика пад на побарувачката на текстилни производи во Германија, што директно влијеше на работењето на нашите конфекции„ изјави Ангел Димитров од Организацијата на работодавачи.
За 2024 година извозот на текстилната и кожарската индустрија изнесува 518.5 милиони долари и е 6,15% од вкупниот извоз на државата. Висока застапеност со околу 93% има на лон производството , а само 7% отпаѓаат на класичното производство