И покрај победата на вчерашните парламентарни избори во Бугарија, лидерот на ГЕРБ, Бојко Борисов, се соочува со предизвикот да формира стабилна влада.
Иако неговата партија освои најмногу гласови со 26,40%, Борисов нема доволно мандати за еднопартиско мнозинство, па затоа ќе мора да коалицира со неколку други партии во парламентот за да го обезбеди потребното мнозинство. Според аналитичарите, ќе му бидат потребни од три до четири коалициски партнери за да формира функционална влада.
Борисов јасно стави до знаење дека е подготвен за соработка со речиси сите партии што влегоа во парламентот, освен со преродба на Костадин Костадинов. Според резултатите, на второ место е коалицијата на „Продолжуваме со промената – Демократска Бугарија„, На трето место е ДПС на Делјан Пеевски. Следат останатите партии, меѓу кои и бугарската социјалистичка партија, „Има таков народ„ на Слави Трифунов и новите партии „Величие„ и „Меч„, кои ќе имаат клучна улога во можната коалициска структура. „Преродба не е наш избор за коалициски партнер,„ истакна Борисов, додавајќи дека приоритет му е соработка со партии кои ќе ја поддржат неговата визија за стабилност.
