Политички елити го претвораат Блаканот во индустрија за ширење омраза. Драматургот Јордан Плевнеш во гостување на бугарскиот национален сервис отворено зборува за методите кои ги користат балканските политичари, со цел поголем успех на избори. Пред почетокот на изборната кампња во Бугарија, тој предупредува на опасноста од пропагандата.
-Афирмирам една дисциплина што е многу ретка на Балканот, се вика балканофилија, бидејќи политичките елити го претвораат Балканот со политички методи во индустрија на омраза и тоа им носи гласови на избори. Тоа уште Гогољ во „Мртви души“ го кажал, дека и мртвите души ќе гласаат ако има добра пропаганда, вели Плевнеш.
Според Плевнеш тоа е најмалку потребно, особено во овој регион, бијдеќи сите балкански народи се блиски меѓу себе.
-На Балканот има нешто што ги поврзува сите балкански народи, тоа е вика мислата дека окован во тело духот растеше како цвет во камен и тоа ги поврзува сите балкански народи, тоа е балканската цивилизација. Затоа Кирил и Методиј рекоа цивилизација на љубовта, вели Плевнеш.
Инаку, поради прифатениот Француски предлог од страна на власта предводена од СДСМ и ДУИ, Македонија во моментов е блокирана на европскиот пат, поради уцените од страна на Бугарија и не може да ги отпочне преговорите за членство во Европската Унија.
Матеја Петровски
