Криминалната шема на СДСM и ДУИ во ЕСМ, испрала 2 милиони евра, пари на граѓаните. Во 2023 година, под раководство поставено од тогашната власт на СДСM и ДУИ, во ЕСМ бил наместен тендер вреден 8 милиони евра, стои во соопштението на ВМРО-ДПМНЕ од прес-конференцијата на Бране Петрушевски.
Наместо транспарентна јавна набавка, биле вклучени две правни лица, едно од Скопје и едно од Куманово, со однапред поделенa улога. Фирмата од Куманово, се јавила со непотполна документација и со повисока цена, класична декорација за да се глуми конкуренција.
Паралелно, скопската фирма дала понуда речиси идентична со проценетата вредност, иако таа вредност воопшто не била објавена во огласот. Потоа, за да се испере трагата, осомничените, пуштале во оптек, примале и пренесувале средства во вредност од 2 милиони евра, што е основ за кривично дело перење пари. По примерот на Заев и Филипче, вака се местеле тендерите во државата, кога владееја СДСM и ДУИ.
Од СДСM и ДУИ молк, ниту оградување, ниту дистанцирање, туку напротив, штитење на криминалот. Затоа, СДСM и ДУИ и натаму ќе бидат во длабока опозиција.
