Фрапирани сме од молкот во СДСМ и кај Венко Филипче, за неговата фирма во Бугарија, џипот купен од фирма која на тендер носела јаглен во ЕСМ и фирмите на Заеви кои инкасирале 9 милиони од истиот тендер, а се поврзано со улицата Гоце Делчев бр. 12 во Петрич, изјави Бране Петрушевски, пратеник на ВМРО-ДПМНЕ.
Петрушевски потенцира дека Венко Филипче сега кога е претседател на СДСМ е сè уште и управител на бугарска фирма.
„Истата таа бугарска фирма на Филипче дели канцеларија со фирмата на Заев која наплатила 9 милиони евра за ископ на јаглен во Грција од фирмата која го продавала на ЕСМ.
Фирмата која го продавала јагленот на ЕСМ е фирмата која му го купи луксузниот џип ауди Q8 на Венко Филипче. Овој криминален круг, Заев, Филипче, Зобек мининг мора да биде растурен.
Очекуваме ЈО да отвори постапка. Премногу очигледни и на тацна се сите давања и земања, и многу лесно се гледа политичкото влијание. А наградата, џипот за Филипче е крунски доказ, од каде почнува се“, додаде во изјавата.
ЈО да не молчи. Постапка веднаш. Во спротива ќе се испостави дека се само заштитници на криминалците од СДСМ, рече Петрушевски.
