Венко Филипче да каже дали Зоран Заев му понудил стик со прислушкувани материјали на поранешен бугарски премиер и една шема за купување на две големи фирми од кои едната телевизија?
Венко Филипче да не молчи и да одговори што содржел стикот со прислушкувани материјали кои неговиот ментор Зоран Заев го дал на поранешен премиер на Бугарија, која сега ја злоупотребува својата положба во ЕУ и не блокира, се вели во соопштението од ВМРО-ДПМНЕ од прес-конференцијата на Петрушевски.
Венко Филипче и СДСМ да кажат дали и зошто Зоран Заев понудил шема за купување на две големи фирми во Македонија од страна на фирми од Бугарија блиски до тој поранешен премиер? И дали една од тие фирми е една голема телевизија, преку која требало да се врши бугарска пропаганда во Македонија?
Дали ова е дарот кој Заев го дал во замена за поддршка од Бугарија за СДСМ сега и во иднини? Логистички, финансиски и во секоја смисла?
Дали тој поранешен премиер на Бугарија со кој Заев е во контакт стои зад кампањата на СДСМ?
Венко Филипче е алатка во планот на Заев. Неговата таканаречена резолуција е само продолжеток на планот на Зоран Заев за потчинување на државата во однос на Бугарија.
И Венко Филипче и Зоран Заев се фатени на дело. Се е јавно и јасно. Планот нема да им успее, народот ќе го казни на избори.
