Пет кандидати, една одлука – карпошани ќе одлучуваат кој ќе ја води една од најголемите општини во Скопје во наредните четири години.
Во Карпош се очекува жестока политичка битка, каде што актуелниот Стефчо Јакимовски ќе се обиде да освои петти мандат, а противници ќе му бидат Сотир Лукровски од ВМРО-ДПМНЕ, докторката Маја Мојсова поддржана од СДСМ, Антонио Димитров од Левица, и Невена Георгиевска поддржана од Група избирачи.
Сите пет кандиндати се со различни визии и програми за развојот на Карпош,кои на 19 октомври ќе ја бараат довербата на гласачите.
Лукровски во својата програма најави справување со бетонизацијата, решавање на паркинг просторот на територијата на Карпош, со изградба на монтажни катни гаражи опремени со соларни панели, но повеќе зелени паркови.
Неговата противкандидатка од СДСМ, Маја Мојсова, во својата програма ветува темелна трансформација на Карпош, базирана на инклузивност, транспарентност, зелена енергија, квалитетна социјална грижа и развој на младиот потенцијал.
Актуелниот граодначалник на Карпош, Стевчо Јакимовски и покрај тоа што е на црнта листа на САД, но и има првостепена пресуда за злоупотреба на службена положба, сепак одлучи повторно да трча на овие локални избори.
Кандидатот за градоначалник на Карпош од Левица, Антонио Димитров, ја претстави својата визија за оживување на „карпошовата“ страна на Водно.
И Невена Горгиевска ветува засилени мерки за почист воздух, но и повеќе зеленило во Карпош.
Во општина Карпош има 27 советници. За Локалните избори 2025 поднесени се 10 листи со 270 кандидати.
