Дел од парите од унгарскиот кредит се наменети за проекти за подобрување на животот на граѓаните на локално ниво. 80 општини поднеле 357 апликации односно проекти. До крајот на месецот се очекува да заврши целокупната процедура и да се знае кои проекти ќе се финансираат од државниот буџет.
„Евалуацијата се очекува да заврши во рок не подолг од 10 дена и врз основа на истата, ресорните министерства треба да изготват предлог одлука кои проекти ќе се финансираат од нивната област и таа предлог одлука да ја достават на усвојување на Владина седница. Очекуваме, до крајот на месецот, да заврши целокупната процедура и да се знае кои проекти ќе се финансираат со државните пари. Како што веќе напоменав и на почетокот, очекувањата се исполнети, а тоа говори за фактот дека оваа Влада направи точна проценка во својата програма и ги детектираше реалните потреби на локалните власти, за подобра иднина на граѓаните. Во оваа прва фаза, општините ќе ги поддржиме со близу 100 милиони евра, а веќе од следната година ќе бидат достапни нови 250 милиони евра, за кога е планиран и нов повик. Ветивме развој на општините, тоа и го остваруваме. Ова е доказ за нашиот партнерскиот однос кон општините, но и кон граѓаните”, рече Златко Перински, министер за локална самоуправа.
