Општина Охид повеќе нема нити еден денар долг, актуелната локална власт на која и тежеа околу 14 милиони евра, успеа да ја спаси и раздолжи општина од долговите во кои со децении тонеше. Градоначалникот Пецаков на почетокот од својот мандат наследи дупка од 22 милиони евра, удавена во долгови Општина Охрид беше блокирана поради недомаќинско работење инаправените двоцифрени милионски долгови изразени во евра,кои од година во година се таложеа.
“Општина Охрид за прв пат после долги години има нула долг по основ на судски извршни решенија и од денес Општина Охрид се вбројува помеѓу малкуте институции во Македонија која нема заостанат долг. При преземањето на раководењето Општината ја затекнавме со вкупен долг од околу 14 милиони евра. Оваа бројка не го вклучува долгот кој општинските јавни прептријатија го имаат. Веднаш пристапивме кон финансика консолидација и изготвување на план за раздолжување”-рече Кирил Пецаков, градоначалник на Охрид
Пецаков доблесно, ги спомна напорите кои биле вложувани во минатите десетина години на локалните раководства за раздолжување на општината и 8-те милиони евра кои Владата ги додели на Општина Охрид со единствена намена за раздолжување на градот чиј долг во еден период изнесувал дури 33 милиони евра.
“Актуелното раководство на Општина Охрид во изминатите нешто повеќе од 2 години има самостојно без помош вратено 30% од вкупниот долг кој што го имала Општина Охрид, а притоа не заостанувајќи со реализацијата на инфраструктурните проекти, инвестициите во повеќе сфери и директната поддршка на граѓаните и здруженијата”-изјави Пецаков
Конечното раздолжување на Општина Охрид значи почеток на нормално фукнционирање на локалната самоуправа, посветената работа вроди со плод во начинот на прибирање на приходите на општината, рече Пецаков. Зголемувањето на приходите од повеќе ставки и домаќинското работење придонесе за враќање на вкупниот милионски долг што го имаше локалната самоуправа. Тој најави раздолжувањето на општинските јавни претпријатија,а многу скоро и одблокирање на сметката на јавното претпријатие “Нискоградба ” кое за две години од своето формирање акумулирало долг од еден милион и 200.000 евра.
Росица Голабоска
