Во Штип-пазарот со станови во подем. Расте побарувчката, ама расте и цената за метар квадратен. Највисоката цена во новоградба достигнува и до 1380 евра. Само во првите три квартали во оваа година, во Штип, интересот за купување станбен простор е за 35% поголем во споредба со лани.
„Продадени и поминати низ системот на општината се 190 станови, од кои 110 се новоизградени. Споредбено со 2024-та во цела година имало 125 новопродадени станови, што значи дека се забележува тренд на зголемување на продажбата. Инаку вкупната вредност на поминатите договори во општината е околу 7милиони евра„ изјави Драган Каров, од одделението за даноци при штипскат Локална самоуправа.
Од оваа сума, општинската каса прибрала околу 280.000 евра. Тоа е износот што се прибира од данокот на промет на недвижнини, кои изнесува 4%од секој склучен договор. Дел од становите што се нудат на пазарот се изградени претходните години и поради тоа имат малку пониска цена, но кај новоградбите цената постојано расте. Купувачите не бираат локации, интерес има за секој нов објект.
„Нема групирање во еден дел од градот, туку секаде каде што се градат нови згради сите станови се продаваат„ изјави Драган Каров.
Интересот за купување на станови порасна откако Штип, стана Универзитетски град и најголем дел од новосклучените договори се со државјани на Турција кои студираат овде. Според општинската статистика најголема продажбаа на станови имало во 2022, кога биле продадени 400станови, што би значело дека во Штип, секој ден во годината се продавал по еден стан.
