Виси спомен куќата на авторот на македонската химна, Владо Малески која речиси целосно се сруши при изведување на градежни работи на соседен објект.Старата струшка куќа која од 2016-та година е ставена под заштита на државата како значајно културно наследство претставува опасност, доколку итно не се обезбеди целиот простор.Остатоците од горниот кат се држат само на еден ладилник.
Конечно денеска е затворено градилиштето.Како што може да се види,од старата струшка куќа која поради својата афтентичност е една од најзначајните културни објекти, нема ни спомен.Наѕираат остатоци од ентериерот и вредната етнолошка поставка. Во опасност е и галеријата Коџоман.
Објектот е правен од камен и плит со дрвена кровна конструкција која доколку целосно падне,ќе направи огромни штети и на спомен куќата на Коџоман која е веднаш до куќата на Малески.Тоа се стари куќи градени во низ,затоа по насока на охрискиот Завод и музеј, дел од уметничките слики се остранети. И не се загрижени само заштитарите, туку и сопственците на другите објекти кои граничеле со спорниот објект.
“Вака ако остане лошо е, не е во ред затоа што може да напукне или да се случи нешто лошо.Да поминам од тука и да паднам”-вели Фатос Бајрами,сосед
Уништувањето на културното наследство на ваков начин, го отвора прашањето дали кога се изведуваат градежни активности непосредно до заштитени објекти има посебни препораки кои треба да се применуваат?
“Сигурно дека има, познато е,па макар и да не е под заштита и да е индивидуална куќа замислете сега некој да ви ја руши вашата куќа,каква штета е тоа а камоли кога станува збор за еден афтентичен објект од 19 век со такви карактериститки каде поготово во Струга ги има ретко.Се претпоставува дека е грешка на изведувачот,дали е тоаслучајно или намерно ќе си покажат понатамошните истражувања” –вели Горан Патчев-директор на “Завод и музеј” Охрид
Инаку старата струшка куќа се наоѓа во заштитен комплекс во кој е и спомен домот на Миладиновци како и управата на Струшките вечери на поезијата.
“Мерки секако дека треба да се превземат и дека одговорност мора да има. Ова е дел од Струга кој што на сите нам многу ни значи и секое заминување на еден ваков објект е навистина штета која што не може да се надомести никако”-вели Никола Кукунеш-директор на СВП
Инспекциските служби од Управата за заштита на културно наследство ќе направат увид и проценка на штетите кои се нанеле кога при руешење со багер, се сруши објектот кој беше и симбол на антифашистичката борба, пред која стои бистата на Кузман Јосифовски-Питу.
