Партијата на пензионери изразува сериозна загриженост за сознанијата кои ги изнесе Агенцијата за храна и ветеринарство, а во врска со манипулациите на одреден број на компании за производство на храна во млечниот и сувомесниот сектор, се вели во соопштението од Партијата на пензионери.
Во исто време ја потикнуваме Агенцијата за храна и ветеринарство, во најскоро законско предвидено време официјално да ги соопшти имињата на сите овие компании кои свесно го доведоа во прашање здравјето на граѓаните. Секако загриженоста е уште поголема затоа што потрошувачите не знаат дали сите производи од тие компании сеуште се наоѓаат во продажба.
Партијата на пензионери апелира до сите државни органи одговорни за контрола на сите сегменти на храна и услуги, да преземат најенергични мерки против сите оние што го прекршиле Законот како би ја вратила довербата на потрошувачите, а во тие рамки и на пензионерите како една од најранливите категории на граѓани.
Било каков вид на манипулација во сите сектори на општествениот живот на граѓаните на Македонија, остава празнина и место за основана загриженост и сомнение на сите.
