🎥 Османи под лупа на Обвинителството: Отворен предмет за ревизорскиот извештај кој го опфаќа и милионскиот самит на ОБСЕ

Обвинителството ќе го чешла Бујар Османи и неговата организација на фамозниот самит на ОБСЕ. Тие отвориле предмет во врска со ревизорскиот извештај за работењето на јавното претрпијатие кое стопанисува и со салата „Борис Трајковски„, во кој, меѓудругото, се содржани и забелешките дека МНР и Османи не поднеле никакви документи и докази, односно нема трага каде и за што се потрошени цели 2 милиони евра народни пари, ниту каде е опремата која требаше да остане во наследство во салата.

„Во однос на извештајот за Јавното претпријатие за стопанисување со објекти за спорт во 2023 година, истиот е доставен до обвинителството и во јуни 2025 година е испратен на надлежно постапување во ОЈО Скопје. Оформен е предмет и се преземаат дејствија за проверка на наводите“, велат од Основното јавно обвинителство.

Во споменатиот ревизорски извештај, во делот на работењето на салата „Борис Трајковски„ и организацијата на самиторт на ОБСЕ стои дека нема никаква евиденција што добил спортско-рекреативниот центар од тендерите на Министерството за надворешни работи за негово доуредување за прием на делегациите од Состанокот на ОБСЕ што се одржа во Скопје во 2023.

„По претходно спроведени постапки за доделување на договори за јавни набавки МНР склучило неколку договори со вкупна вредност од 124.234 илјади денари. Со ревизијата утврдено е дека не се доставени записници од МНР за потврдување на изведените работи и инсталирани добра и ствари кои останале во владение на друштвото. Исто така, не е постапено по одредбите од склучениот договор за соработка помеѓу двете институции“, се вели во ревизорскиот извештај.

Уште од почетокот, организацијата на самитот на ОБСЕ беше контроверзна пред се, поради ангажирањето на омилемната фирма на ДУИ, Еуровиа за изведувањето на сите работи. Целата организација на самитот ги чинеше граѓаните цели 5 милиони евра. Компанијата, што е и на листата на донароти на ДУИ требаше да го изнајмат мебелот, електричната опрема и да ги реновираа ѕидовите и тоалетите во салата. Тогаш Османи уверуваше дека нема ништо спорно за тоа како се потрошени парите и дека Постапката била во согласност со законите. Дури го натера обвинителството и антикорупциската да го проверат тендерот за пшто доби зелено светло. Но сегашните забелепшки не се како е спроведен тендерот, туку како и за што се потрошени парите, што преставива голема разлика.

Тој тврдеше дека го адаптирале спортскиот центар, изнајмувале маси, столови, разводни табли, завеси, драпери, кабли и светилки, но на крајот граѓаните ја платија фактурата, а до ден денес не е познато колкав дел од мебелот и опремата остана за државата, а што компанијата си поврати назад. Од  5-те милиони евра што се потрошија, дури 1,8 милиони завршија кај „Еуровиа“. Ќар од 120 илјади евра имаше и агенцијата „Рејтинг“ на Никола Спасов, синот на поранешниот министер на СДСМ Ѓорѓи Спасов.