Унгарскиот премиер, Виктор Орбан, изјави дека ЕУ ја изгубила војната во Украина. Орбан, во интервју, рече дека мирот во Украина е на дофат и дека ќе започне нов свет со инаугурацијата на американскиот претседател Доналд Трамп на 20-ти јануари.
„Русите беа подготвени да се согласат на Божиќното примирје што го предложив пред неколку дена, а Украинците одбија, но православниот Божиќ уште не пристигнал“, рече Орбан.
За војната во Украина зборуваше и унгарскиот министер за надворешни работи, Петер Сијарто. Според него, на новоизбраниот американски претседател Доналд Трамп не му требаат посредници за да се обиде да го реши конфликтот во Украина. Изјавата на Сијарто доаѓа по коментарите за можноста унгарскиот премиер, Виктор Орбан, да биде посредник меѓу Трамп, Путин и Зеленски.
