За вкупно околу 500.000 евра остана покус планираниот буџет на општина Прилеп, откако централната власт, наводно направила „техничко-админстративна“ грешка. Дури над 15 милиони денари за концесиски услуги во општина Прилеп кои се 78% од она што го уплаќаат фирмите кои вршат ископ на минерални суровини, а кои се слеваат во државата каса, завршиле на сметката на општина Ресен?!
„Да поминете филтри во две миниистерствата и во Трезор, и 15,5 милиони денари да завршат на друга сметка, тоа остава простор да суди јавноста дека нешто е направено со тенденција, односно затоа што општина Прилеп е раководена од различна политичка опција од она што значи централна власт и дека ова е на некој начин да се потврди сликата која нереално ја прикажуваат дека ЛС во Прилеп ништо не работи“, – вели Дејан Проданоски, претседател на Совет на општина Прилеп.
Освен овие средства, заради тоа што во централниот буџет се собрале помалку пари од ДДВ и заради постоечката „методологија на пресметка“, на општина Прилеп скратени и’ се и други 8,5 милиони денари на име блок-дотации. Овој скретен половина милион евра, за жал, прескапо ќе ги чини лично прилепчани. И не само годинава, туку и во буџетите за наредните неколку години, реагираат од општина Прилеп.
Каролина Дурло
