Изградбата на автопатот Гостивар-Букојчани-Кичево што ќе овозможи од метрополата до Охрид да се стигнува за час и половина,не само што што ќе го забрза економскиот раст на земјава,ќе го подобри функционирањето на туризмот и ќе го скрати мачното и долго патување до туристичкиот центар,проблем број еден поради кој се повеќе домашни и странски гости ја избегнуваа дестинација. Ќе нема повеќе наплив на сообраќај во ек на сезоната,долгите колони автомобили,застој и чекање со часови по патиштата додека да се стигне до Охрид. Веста дека после 50 години,конечно со засилено темпо почнува изградба на автопатот Гостивар-Букојчани-Кичево како најтешкиот дел од коридорот 8, беше поздравена од охриѓани но и туристите кои ги затекнавме на ривиерата.
–“ Мислам дека три часа патувавме од Скопје до Охрид,дојдовме со рент а кар преку Битола,ни рекоа дека е подобар патот.Ако се подобрат патиштата,можеби ќе дојдеме пак; – Десет часа патувавме од Босна до Охрид. Ако го исполнат ветувањето за час и пол да се стигнува од Скопје до Охрид ќе биде одлично, секоја чест; –За Охрид сигурно ќе значи дека ќе имаме поголем туризам,очекуваме повеќе туристи и тоа е за доброто на Охрид. Ние бевме пред две недели со две деца, искрено беше многу долг патот, имаше доста застои и беше тешок да речам.Доколку би бил автопатот за чат и четриесет минути би било одлично; – Голема предност за сите што побрзо да стигнат и што повеќе народ да дојде. Големи поплаки од сите што доаѓаат од Скопје, од други држави странски туристи дека инфраструктурата ни е катастрофа; – Сите ќе бидат задоволни ако патот се скрати на тој начин”
Поради ужасно лошиот пат,Кичево-Охрид кој претходната влада не успеа да го изгради една деценија, странците не само што не одбегнуваа ,туку не помислуваа да поминат низ нашата држава, транзитираат преку јужна Албанија. И покрај бројните проблеми,очекувањата се дека по овој автопат ќе се вози до крајот на 2026-та. Туристичките работници повеќе нема да се црвенеат пред странците кои по долг низ години одлучиле повторно да го посетат Охрид желни да уживаат во убавините.
Инаку автопатите од коридорите 8 и 10д кои сега ги гради конзорциумот „Бехтел и Енка“ се во должина од 110 километри и чинат 1,3 милијарди евра, а треба да бидат завршени за 4 години.
Росица Голабоска
