🎥 Обвинителството бара притвор за таткото кој претепа две деца на натпреварот Брегалница – Шкупи

Син му го исклучиле од игра, па тој на фудбалското игралиште претепал двајца малолетници.  Основното јавно обвинителство бара мерка притвор за 43 годишниот маж кој вчера на фудбалски терен во Штип, претепа играчи на штипска Брегалница. Ваквиот предлог до судија на претходна постапка е поднесен имајќи ги во предвид видот и сериозноста на кривичното дело против јавниот ред и мир, опасноста од бегање на осомничениот и можност за повторување на делото. Тој се терети за кривично дело-насилстo .

„Осомничниот извршил грубо насилство за време на фудбалскиот натпревар меѓу младинските екипи на Брегалница и Шкупи. Со дејствијата тој ја загрозил сигурноста на двете деца родени 2010, играчи на тимот Брегалница, нанесувајќи им телесни повреди. Освен тоа кај оштетените, останатата присутна публика и во јавноста предизвикал чувство на несигурност, загрозување и страв.

Вчерашниот инцидентот на спортскиот терен „Бело Брдо„ во Штип, денеска го разгледуват и од ФФМ.

Фудбалот не е и не смее да биде арена за физички натпревари, туку поле каде што се судруваат талентот, тактиката и спортскиот менталитет реагираат и од ФК Шкупи, од каде во целост  и се оградуват од „неспортскиот„ настан  што се случи во Штип. Директорот на клубот, Флорим Муча, повика ваквата ситуација да се надмине, а истовремено упати апел институциите да ги преземат сите неопходни мерки и сите вклучени лица во инцидентот да одговарат за своите постапки.

 „Како клуб со традиција и долга историја во нашата земја, ФК Шкупи апелира оваа ситуациј да се надмине и вакви инциденти да не се повторуваат во иднина. Духот на фер-плејот и љубовта кон фудбалот секогаш треба да бидат над се„ изјави Флорим Муча, директор на ФК Шкупи

Според обвинението настанот се случил во 89 минута од натпреварот, кога судијата поради прекршок доделил втор жолт картон со што го исклучил од игра осомничениот кој играл за Шкупи. Незадоволен од одлуката најпрвин синот со тупаници и со удар со нога се обидел да се пресмета со еден од фудбалерите на Брегалница. Тогаш на терен влегол таткото и со тупаници и клоци започнал да ги удара двете деца, нанесувајќи им телесни повреди. На игралиштето влегле и дрги лица од публиката, кои спречиле натамошна ескаалација на настанот. Кај едното дете е констатирано скршеници на носот, а кај другото повреди на ногата. По укажаната лекарска помош  во штипската Клиничка болница, младите фудбалери се пуштени на домашно лекување.