Синоќа во Куманово опожарени се три автомобили, еден деловен објект, односно фотокопирница и фасада од куќа. Еден од изгорените автомобили е во сопственост на јавниот обвинител, Џелал Бајрами, додека пак фотокопирницата е на член на советот на општина Куманово, Фитор Јакупи.
Второто запалено возило, според дел од медиумите, му припаѓа на близок роднина на пратеник од ДУИ. Кумановското обвинителство порача дека се преземени сите дејствија и се испитуваат причините и евентуалните мотиви за опожарувањето на автомобилите и дуќанот.
-Прибрани се траги од лице место што ќе бидат предмет на вештачење, а се врши увид и во снимките од камери за видео надзор, велат од кумановското обвинителство.
