Парламентарната група е функционална и работи во полн состав – Европски фронт не потврдува дали Мендух Тачи ја напуштил или планира да ја напушти коалицијата предводена од ДУИ. Демократската партија на Албанците по се изгледа го става на тест опстанокот на Европскиот фронт, но оттаму негираат за евентуално намалување на бројот на пратеници во нивната пратеничка група.
Нашата парламентарна група е стабилна, работи во полн состав. Јас тоа можам да го кажам од аспект на пратеник во Собранието. Секако, сите прашања поврзани со Тачи, треба да му ги поставите нему, рече Рина Ајдари од ДУИ.
Фронтот на Али Ахмети никако не може да се помири со одењето во опозиција, па преку паушални обвинувања кон власта сакаат да дојдат политички поени. Обвинија дека власта немала план за откочување на евроинтеграциите, а без нив, Македонија не можела да има напредок во ниту едно друго поле. За предлогот на лидерот на СДСМ Венко Филипче, да се одржи затворена седница за евроинтегративниот процес на земјава,Ајдари вели дека би било прифатливо такво решение, но последниот збор ќе го дадат органите на партијата.
Ваквите намери на опозицијата, и од албанскиот и од македонскиот политички плок, за вицепремиерот Изет Меџити немаат смисла бидејќи имале осум години на власт и не направиле ништо.
ТОНСКО ИЗЕТ МЕЏИТИ – прв вицепремиер, министер за животна средина
еден од главните приоритети се евроинтег ациите, а опозицијата беше 8 години на власт и не направија ништо. Ги знаеме нивните политики, имаа доволно време. Демократски е бар првите 100 дена да се остават на новата влада. Ќе им порачам да работат на себе си и да бидат поатрактивни на политичката сцена. Ние во овие 100 дена пробуваме да го решиме она што тие го направија.
Ниту евентуалното раситнување на Европскиот фронт не го изненадува Меџити. Според вицепремиерот, партиите во опозициската коалиција не ги спојувала идеологијата туку желбата за власт, па сега кога отидоа во опозиција, нормално било да има коалициска дестабилизација. Напуштањето на Мендух Тачи, вели Меџиит, единствено значи, почеток на нивниот крај.
