Институциите ќе започнат постапка за конфискација на нелегално изградениот објект на спортскиот аеродром Стенковец, објави на Фејсбук вицепремиерот и министер за транспорт Александар Николоски.
Ова, како што вели Николоски, е јасна порака дека нема да се толерира изградба на нелегални објекти на места каде Министерството за транспорт и Државниот градежен инспекторат имаат надлежност.
Тој поочи дека Министерството за транспорт, како надлежна институција за објекти од прва категорија, како што се аеродроми, болници кои третираат терциерна здравствена заштита, градби за високо образование, спортски сали, стадиони и други државни инфраструктурни објекти, во изминатиот период сериозно пристапи кон решавање на проблемот со нелегалните објекти кои спаѓаат во оваа категорија.
-Во координација на повеќе институции – Министерството за транспорт, Агенцијата за цивилно воздухопловство, Државниот градежен инспекторат, како и Аероклубот на спортскиот Аеродромот Стенковец Скопје – ќе се започне постапка за конфикација на нелегално изградениот објект на спортскиот аеродром Стенковец, напиша Николоки.
Имајќи предвид, како што поочи Николоски, дека објектот е целосно нелегално изграден на државно земјиште, надлежните органи одлучиле да се обратат до Обвинителството и Судот и да побараат целиот објект да се конфискува во корист на државата со цел истиот да може го користи Агенцијата за цивилно воздухопловство за тренинг на пилоти и други потреби.
-Ова е јасна порака дека нема да се толерира изградба на нелегални објекти на места каде Министерството за транспорт и Државниот градежен инспекторат имаат надлежност, објави на Фејсбук вицепремиерот Николоски.
