Министерот за спорт, Борко Ристовски, со набиена агенда и секојдневни средби со спортистите
Тој денеска ги посети машката и женската Одбојкарска репрезентација на Македонија, кои се на подготовки на Маврово.
„Нашите одбојкари и одбојкарки се подготвуваат за квалификациските натпревари за Европското Првенство 2026, со полн ентузијазам и посветеност. Тренинзите и подготовките се интензивни и добро организирани, а нашите спортисти покажуваат неверојатна дисциплина и енергија” вели Ристовски.
Министерот додава дека е очигледно оти нашите спортисти имаат огромен мотив за постигнување на врвни резултати.
„Горди сме што ги имаме овие талентирани и посветени спортисти кои го носат македонското знаме со гордост. Нивниот дух и посветеност се инспирација за сите нас. Да ги поддржиме и охрабриме на нивниот пат кон Европското Првенство 2026” напиша Ристовски на социјалните мрежи.
Министерот вчера се сретна и со
младинската машка ракометна репрезентација на Македонија, која на младинското европско ракометно првенство заврши на одличното 9-то место.
„Горди сме на нашите млади спортисти и нивниот успех, кој е резултат на напорната работа, посветеност и тимска игра. Честитки момци, продолжете да го следите вашиот пат кон успехот и да го носите македонското знаме со гордост” напиша министерот за спорт на социјалните мрежи.
