Израелскиот премиер Бенјамин Нетанјаху во најновото обраќање истакна дека неговата земја не сака да ја освои, окупира или владее со Газа по војната против Хамас, но дека „уверливи сили“ ќе мора да влезат во палестинската енклава доколку е потребно за да се спречи воена закана.
„Ние не сакаме да ја освоиме, не сакаме да ја окупираме и не сакаме да владееме со Газа. Значи, мораме да имаме сили кои, доколку е потребно, ќе влезат во Газа и ќе ги убијат убијците. Ова ќе спречи повторно да се појави група како Хамас“, рече Нетанјаху.
Ваквите зборови доаѓаат по неговата претходна најава дека Израел ќе биде одговорен за безбедноста во Газа, која предизвика негативна реакција кај САД, главниот сојузник на Израел.
Вашингтон најави дека ќе се спротивстави на израелската окупација на Газа по војната, во која Израел се обидува да го бомбардира раководството на Хамас по нападот на 7 октомври.
