Интензивна изградба на нови патишта, но и рехабилитација на веќе постоечките, најави директорот на Јавното претпријатие за државни патишта, Коце Трајановски. Предвидени се обиколници кај Кавадарци, Ресен и Битола до Меџитлија. Во фаза на еваулација е патот од Скопје до Блаце, за кој веќе во април се очекува да се распише тендер за изградба. Активно се работи и на новата делница од Кичево до Гостивар, а од наредната година ќе се започне со проектирање на патот од Куманово до Страцин. Ќе се работи и на поврзување со соседна Албанија.
„Наместо да идеме на Ќафасан, горе да се направи тунел од наша и од албанската страна. Веќе има прелиминиарни договори со албанската Влада. По пола да се финансира тој тунел, така да ќе биде многу поплесно, побрзо и побезбедно движењето помеѓу Македонија и Албанија „ изјави Коце ТРајановски, директор на ЈПДП.
Веќе е започната и реконструкцијата на една од црните точки во близина кај приградската населба Карорман, кој ги поврзува Штип и Карбинци.
„Преку ЈП, се вложени околу 30милиони денари за потребите на сите жители кои транзитираат по овој патен правец„ изјави Иван Јорданов, градоначалник на Штип.
„Во идно време ќе работиме на проширување на самата траса, онаму каде е најкритично„ изјави Виктор Паунов, градоначалник на Карбинци.
Зимските температури нема да бидат пречка за асфалтирање и реконструкција на патната инфраструктура. Ќе се работи со технологија на таканаречено зимско асфалтирање, односно ќе се коеистат адетиви, кои веќе се пракса во Западна Европа.
Александра Ристевска
