Судскиот совет му го симна имунитетот на судијата Ѓоко Ристов и сега ќе може да оди во куќен притвор, по одлуката на Кривичниот суд. Судскиот совет најпрво ја исклучи јавноста за да му го заштити интегритетот на судијата, па откако заврши тајната дискусија на членовите, пред гласањето од Судскиот совет се поправија, ја исклучија јавноста зошто истрагата била тајна
Конечно, по два дена, откако не се знаеше каде е судијата, се огласи Обвинителството за гонење на организиран криминал и корупција. Судијата Ристов е осомничен за противправно стекнување и прикривање имот и за перење на пари. Обвинителството бара куќен притвор и одземање на пасош за судијата кој деновиве на јавноста и приреди холивудско сценарио со соѕиданите 350 илјади евра во семејната куќа во Неготино.
Ценејќи ги објективните услови што е потребно да бидат исполнети за определување на мерка за обезбедување присуство, како и субјективните што истата ја оправдуваат, на судијата на претходна постапка при Основниот кривичен суд Скопје јавниот обвинител му достави предлог на осомничениот да му биде определена мерка куќен притвор. Освен оваа мерка, предложено е и определување на мерка на претпазливост – привремено одземање на патна или друга исправа за преминување на државната граница, односно забрана за нејзино издавање, информира Обвинителство за гонење на организиран кримибнал и корпуција.
По ова, Судскиот совет треба да одлучува за симнувањето на имунитеттот на судијата за да може да се спроведе куќниот притвор.
Истражителите трагале подоголго време по докази. Направиле претрес во викендицата на судијата во близина на Неготино, а пред еден месец имало и претрес и на друго место. Истрагата била поткрепена и со информации и известувања од тајната служба АНБ.
Како што објавуваат дел од медиумите, по парите се трагал подолго време, а биле сокриени на ист начин како што го прават мексиканските нарко картели.
Како што објавуваат медиумите, Ристов минатата недела заминал на боледување, по што неговите колеги повеќе не го виделе. Исто така, тој веќе месец дена бил недостапен на мобилниот телефон што го користи откако се отвори истрага против адвокатот Фехми Стафа. Поранешниот државниот правобранител Стафа е во притвор за подмитување судија во скопска апелација. Неофицијално, истражителите прво извршиле претрес во станот на судијата Ристов во Скопје пред околу две недели, но тогаш не нашле ништо сомнително.
Инаку, Фехми Стафа е поранешен Државен правобранител. Поранешна колешка му е сопругата на Ристов, која работи во Државното правобранителство. Според истрагата од 14 декември, Стафа му дал поткуп на Ристов во име на обвинетиот бизнисмен Љупчо Пецов викан Ѓаволот, кој до неодамна беше во бегство.
Ѓоко Ристов пак, на јавноста и е познат по тоа што судеше во повеќе медиумско експонирани процеси, а потоа беше избран за судија во скопска апелација.
