Нема ценовен шок за граѓаните од први јули. Регулаторната комисија за енергетика ја прифати цената која ја понудила ЕВН хоум со која за 88 отсто од домаќинствата кои се во прв и втор блок покачувањето ќе биде под еден процент. Покачувањето во трет и четврт блок ќе биде нешто над еден процент, а евтината струја ќе се зголеми за 0,65 проценти. Ова би значело дека ако едно домаќинство плаќало 2 000 денари за потрошена електрична енергија, со новата цена ќе плаќа околу 2008 денари, ако плаќало 3000 денари сега сметката ќе изнесува околу 3012 денари . ( тука телоп)
Граѓаните нема да почувствуваат големи разлики на сметките за струја благодарение на измените на законот за енергетика кои беа донесени по предлог на пратеничката група на ВМРО – ДПМНЕ и Премиерот Мицкоски, како и одлуката на ЕВН да не ги прифати понудите за останатите 15 отсто кои ЕСМ нема да ги задоволи по регулираната цена туку ќе се набавуваат на слободен пазар.
Во оваа пресметка не се носеше одлука за висината на мрежарината, а засега останува и надоместокот за „ пристап до мрежа“ од 200 денари . Регулаторна претходно најави дека се прават какулации за зголемување на уште еден час евтина струја, но тоа може да се случи по Нова Година.
