Граѓаните со свои предлози ќе можат да учествуваат во креирањето на програмата за работа и буџетот на Општина Неготино за 2027 година, соопшти попладнево неготинската градоначалничка Марија Нацева.
– Секој заинтересиран жител на општина Неготино, доколку изрази желба за тоа, ќе може со давање на сопствени предлози, идеи и решенија да учествува во подготовката на два исклучително значајни документи кои се тесно поврзани со работата на градоначалникот и локалната самоуправа. Тоа се програма за работа на општина Неготино и буџетот на општината во чие изготвување можат да учествуваат сите граѓани – информираше таа на нејзината Фејсбук-страница.
Таа најави средби со жители на општината во наредните денови.

