Народната Банка одлучи да ја намали основната камата за 0.25 процентни поени, на ниво од 5.8%. Ова благо релаксирање на монетарната политика е сигнал кој може да влијае на благо намалување на каматите на комерцијалните кредити.
-Со промената на каматната стапка на благајничките записи, при непроменети каматни стапки на депозитите преку ноќ и на 7 дена, се задржува внимателниот пристап кон водењето на монетарната политика. Ова се должи на контекстот којшто вклучува ризици поврзани со надворешното окружување, но и со домашните фактори коишто влијаат врз агрегатната побарувачка, велат од Народна Банка
Годишната инфлација во септември изнесува 2.6%, со зголемување на цените на храната, но базичната инфлација е стабилна.
Народната банка изразува подготвеност да ги користи сите потребни инструменти за да го задржи девизниот курс стабилен и да ја одржи ценовната стабилност на среден рок.
Во текот на вториот квартал на 2024 година, економскиот раст забележа зголемување од 2.3%, што е во согласност со прогнозите на банката. Растот во првата половина од годината е 1.8%, со позитивни индикации за третиот квартал, особено во индустриското производство и трговијата.
