Без никакво образложение,Владата разреши тројца членови на Комисијата за управување со светско природно и културно наследство во Охридскиот регион.Меѓу нив и е доктор Донка Барџиева Трајковска – силен критикувач на прекумерната урбанизација, која со години наназад укажува дека Охрид е на чекор да го изгуби статусот на Унеско.
Ја побаравме Барџиева која јавно го објави решението на Владата,но таа не сакаше да коментира,се ‘ што мислев, рече напишав на својот фб профил
Одличен потег на владата.Во услови на епидемија мора да се отстранат сите кои на било каков начин можат да ја загрозат.Ова решение е класична демонстрација на сила и отстранување на неподобните.Го губиме Охрид со ваква кадровска политика на лиферување послушни, лојални кадри кои имаат искуство со менаџирање со коруптивни активности-коментираше доктор Барџиева.
Разрешувањето на Барџиева предизвика лавина реакции и на социјалните мрежи.
‘’Со ова прашање никако не би смеела да се занимава техничка влада.Тоа што во вонредна состојба доби огромни надлежности, не им дава право таа сосотојба да ја злоупотребуваат.А, и каква порака дава државата на овој начин до УНЕСКО? Дека Охрид и охридскиот регион ќе го заштитиме со елиминирање на експертите? Срамна, недозволена и крајно проблематична одлука.’’
‘’Не знам кои и какви би требало да бидат чекорите во моментов после оваа срамота, ама некој мора да сноси дебела одговорност за ова. Некој мора јавно да излезе со став, барем претседателот на таа Комисија, кој и да е’ – да го видиме со име и презиме! – а потоа и г-динот Адеми, па Премиерот.Ова е крајно небулозен потег на Владата и владејачката партија.’’
На ваквиот потег на Владата, реагира и Претседателката на “Транспарентност”, Слаџана Тасева.
–“Ова не е работа на течничка Влада.Oчигдена е намерата да се искористи летото и целата состоjба со вирусот за незаконско градење, да треба да се реагира”- вели претседателката на “Транспарентност”, Слаџана Тасева.
Инаку членовите на Комисијата за управување со светско природно и културно наследство во Охридскиот регион имале мандат од 3 години,но во деловниот –како што пишува Барџиева, ова прашање не било дефинирано и пред една недела отпочнавме постапка за измени во деловникот,очигледни некому му се брзало-коментира Барџиева.
Росица Голабоска
