Најавата за субвенции ги окуражи производителите на модри сливи од делчевско и радовишко, кои деновиве интетнзивно го собираат родот од овоштарниците. Со предвидената помош во висина од 4 и 5денари по килограм, државата ќе им го реши проблемот со ниската откупна цена.
„Субвенциите секако ќе ни бидат од полза. Тоа е добро субвенционирање и ќе ни попмогне бербата да ја завршиме како што треба. Ланската година немавме субвенции„ изјави Атанас Ангеловски, еден од поголемите производители на модри сливи во Пијанечкиот регион.
Откупот на модрата слива се уште не е почнат, но според најавите истата во откупните центри ќе се откупува по 10денари за килограм. Оваа цена за производителите е неисплатлива, ако се земат во предвид трошоците што ги имаат.
„Пошто сите трошоци се зголемени. Цената на препратите за заштита е зголемена, прихрана, нафтата исто, а работната рака не само што ја нема, но и многу е скапа„ изјави Атанас Ангеловски, производител на модра слива.
Разликата до 14 и 15денари за килограм земјоделците ќе ја добијат веднаш по завршувањето на бербата со цел да се компензираат трошоците, но и да се стимулираат производителите. Во делчевско-беровскиот регион се очекува да бидат собрани околу 2,500тони модри сливи. Инаку поради сушата и врнежите од град во периодот кога се формираше родот, сливата е со лош квалиет и се очекува целата да биде наменета за индустриско производство. Минатата недела ресорниот министер најави дека се во прегвори поголема количина на модра слива да биде откупена од откупувач од соседна Србија.
