На Македонија и следи период без дождови што ќе придонесе до зголемен ризик од суша. Со летното сонце пристигнаа и високите температури, а со тоа се намалува и појавата на поројни дождови. Од УХМР најавуваат уште едно во низата на надпросечно топли лета, но и посушни од многугодишните просечни вредности. Ова се очеува особено во месецот август.
„Според анализите за летото 2026 се очекува температурите да достигнат надпросечни вредности на глобално ниво, не само во Југоисточниот дел на Европа. Надминувањето на температурите може да достигне и 3 степени речиси на целата територија на Македонија. Најголемото позитивно отстапување на температурата на воздухот од повеќегодишниот просек за оваа сезона се очекува да биде во месец Јули.“- вели Александра Стевков, раководител на одделение за климатологија и климатски промени во УХМР.
Според последните анализи во наредниве месеци Македонија ќе биде погодена од влијанието на климатскиот феномен Ел Нињо.
„Земајќи ги во предвид досегашните анализи климатски промени дополнително го засилуваат влијанието на условите на Ел Нињо со што се зголемува веројатноста за појава на екстремни временски настани како топлотни бранови, суши и пожари. Од друга страна пак долготрајните периоди без врнежи создаваат услови за појава на екстремни поројни дождови и поплави што ја нагласува непредвидливоста.“- вели Стевков.
Токму овие информации ги потврдуваат и истражувањата на Центарот за климатски промени. Од таму укажуваат дека земјите од Медитеранот, вклучително и Македонија, се се повеќе изложени на подолги сушни периоди, намалени врнежи и континуиран пораст на температурите.
„Во Македонија, најголем дел од Североисточниот, Скопскиот, Вардарскиот, Пелагонискиот и Југоисточниот регион се оценети како ранливи на суша, со особено чувствителни подрачја како Скопската и Штипската котлина и Овчеполието. Ова укажува дека се потребни локално прилагодени решенија и поголема отпорност на заедниците.“- овјавуваат од Центарот за климатски промени.
За полесно да се препознаат ризиците и да се преземат поефикасни мерки за заштита од сушните периоди, од центарот развиваат алатка за проценка на климатските промени. По повод 17ти јуни – Светскиот ден за борба против опустошување и суша, невладините организации и надлежните се едногласни – алармираат за интен институционален одговор и адаптација, а на граѓаните им препорачуваат да ги следат краткотрајните временски прогнози кои ги издаваат.
