Националниот џез-оркестар со настап со гудачки ансамбл, составен од музичари на Националната опера и балет, вечерва, во 20 часот, во Филхармонијата ќе ја отвори новата концертна сезона 2026.
Од Националчниот џез-оркестар информираат дека станува збор за редок и внимателно обликуван музички спој, што отвора нова звучна димензија во современата македонска орекстарска практика.
Под диригентство на маестро Џијан Емин на концертот ќе бидат изведени негови авторски композиции, како и композиции во авторство на Трајче Велков, Гордан Спасовски, Зоран Костадиновски, Гоце Стевковски, Сашко Николовски и Георги Шарески, со солистичко учество на Кирил Кузманов на саксофон и флејта, како и Бојан Цветковиќ на пијано.
Како гостин на вечерта ќе настапи Георги Шарески, гитарист и композитор, чиј израз и музички сензибилитет природно се впишуваат во звучниот карактер на оваа концертна целина.
Билетите за концертот може да се набават онлајн на https://mktickets.mk/…/national-jazz-orchestra-with…/ и на продажните места на „МК тикетс“.
