На Универзитетот „Гоце Делчев“ (УГД) во Штип од денеска официјално започна ACE²-EU Flavour School – интензивен меѓународен курс кој обединува студенти од повеќе европски држави во рамки на европската универзитетска алијанса ACE2EU @ace2eu, а во која членуваат девет европски универзитети, меѓу кои и УГД-Штип.
-Во текот на следните денови, учесниците ќе работат во интернационална средина преку предавања, работилници, тимска работа и размена на искуства со колеги од различни земји и култури. Flavour Schools претставуваат кратки, интензивни програми кои ги поврзуваат студентите од универзитетите членки на алијансата околу актуелни општествени, економски и европски предизвици, сооштија од УГД-Штип.
Овој интензивен меѓународен курс за 20 студенти од девет европски универзитети ќе трае до петок, а предвидува и посета на Стопанската комора на македонија, неколку македонски институции и банки. ACE²-EU е европска универзитетска алијанса која поврзува девет високообразовни институции од различни држави, со цел да поттикне иновации, мобилност, меѓународна соработка и создавање на заеднички европски академски простор.
