Тим на ЈУ Национален парк „Пелистер“ почна со уредување на една од најатрактивните трансферзали на Пелистер, планинарската (пешачка) патека Нижо Поле – Големо Езеро – Брајчино со вкупна должина од 19 километри.
Уредувањето подразбира целосно расчистување на вегетација по должина на целата патека, целосно обновување на Кнафелцовата сигнализација и поставување на нова зимска маркација на правецот Нижо Поле – Големо Езеро, по Дебел рид, соопштија од ЈУ Национален парк „Пелистер“. На патеката ќе бидат поставени и патокази за Мало Езеро и врвот Пелистер од правец на Големо Езеро.
Активностите се одвиваат во соработка со Slavkov Hiking Trails , амбасадите на Австрија, Чешка и Словачка, како и со поддршка на Федерација на планинарски спортови на Македонија.
