Министерството за внатрешни работи ги објави казните за санкционирање на сообраќајните прекршоци преку системот „Безбеден град“. Па така:
Пречекорување на брзината во населено место
(дозволена брзина до 50 км/ч, по исклучок до 70 км/ч со знак):
– До 10 км/ч над дозволеното – 15 евра
– Од 10 до 30 км/ч над дозволеното – 50 евра
– Од 30 до 50 км/ч над дозволеното – 300 евра и забрана за управување возило од три до 12 месеци
Пречекорување на брзината надвор од населено место
(130 км/ч на автопат, 110 км/ч на пат за моторни возила, 90 км/ч на други патишта):
– До 30 км/ч над дозволеното – 20 евра
– Од 30 до 50 км/ч над дозволеното – 50 евра
– Од 50 до 70 км/ч над дозволеното – 300 евра и забрана за управување возило од три до 12 месеци
Поминување на црвено светло:
– Глобата е 250 евра
– Забрана за управување од три до 12 месеци
Непрописно запирање и паркирање
(пешачки премини, крстосници, мостови, зелени површини, места за лица со попреченост, велосипедски патеки, тротоари, автобуска постојка и други критични локации):
– Во зависност од видот и тежината на прекршокот, глобите се 25, 40, 150 и 180 евра
Учествување во сообраќај со нерегистрирано возило
(без важечка сообраќајна дозвола или без регистарски таблички):
– Глобата е 500 евра
– Ако истекот на сообраќајната дозвола е до 30 дена – 100 евра
Намалување на износот на глобите:
– Ако плаќањето е во рок од осум дена, се плаќа 50 проценти од глобата
– Ако има и забрана за управување, таа се изрекува во половина од пропишаниот рок
МВР апелира до сите учесници во сообраќајот да ги почитуваат правилата и прописите, со цел поголема лична и општа безбедност и намалување на сообраќајните несреќи.
