Довербата на граѓаните во Министерството за внатрешни работи бележи силен раст и за првпат надминува 50 проценти – покажува извештајот за проценка на корупцијата во Македонија за 2025 година, подготвен од МЦМС.
Според анализата што ја сподели МВР, вкупната доверба во министерството достигнува 50,3 проценти, што е значително зголемување во однос на 33,9 проценти во 2023 година. Овој раст, како што се наведува, е јасен индикатор дека мерките за поголема транспарентност, отчетност и професионалност даваат конкретни резултати.
Извештајот покажува и намалување на перцепцијата на корупција меѓу полициските службеници, што упатува на подобрена институционална дисциплина и поефикасни механизми за спречување коруптивни практики.
