Лажни профили се претставуваат како Интерпол и нудат помош за изгубени инвестиции од „Конти“. МВР алармира за нови случаи на измами кои се шират по социјалните мрежи. Надлежните предупредуваат дека граѓаните се почесто среќаваат со измами на лажни профили кои на социјалните мрежи се претставуваат како безбедносни служби кои се наведени како „Министерството за внатрешни работи“,„Интерпол“ или како компании кои нуделе некокв вид на помош, посредување или враќање на парични средства. Апелираат до граѓаните да не наседнуваат на вакви измами.
„Апелираме до граѓаните да не наседнуваат на ваквиот вид на измами и да бидат многу внимателни каде ги оставаат своите лични податоци како и податоците од своите платежни картици“ се вели во соопштение на МВР
Со ова известување Министерството за внатрешни работи, информира да се внимава на своите лични податоци како и податоците на платежните картици, и да се пријави секаков вид на измама. Граѓаните делумно се запознаени со ваквите измами, а последен ваков случај беше токму „Конти“, платформата која згасна преку ноќ и однесе во неповрат милионски суми на граѓани кои станаа жртва на пирамидална шема. Проценките се дека во овој случај се измамени околу 14 илјади граѓани.
Давид Крстевски
