Владата подготвува конкретен план за решавање на бугарското прашање, ама нема да го обелодени веднаш. Ќе чекаат стабилна политичка влада во Бугарија и тогаш ќе го достават до Софија. За предлогот, кој се базира на уставни измени со одложено дејство, во тек се интерни разговори во владата. Министерот за европски прашања, Орхан Муртезани вели дека власта интензивно работи на откочување на евроинтегративниот процес.
И да имаме финален предлог, нема да брзаме да го објавиме пред да бидат завршени избори во соседна Бугарија. Треба да видиме дали ќе биде прифатен од другата страна. Затоа се работи интензивно на наоѓање решенија и мислам дека овој е правилниот пристап за понатаму, додаде Муртезани.
Предлогот за уставни измени со одложено дејство, според Муртезани, во Брисел не се гледа со голем оптимизам тој предлог, меѓутоа не се отфрла целосно, што значи дека има шанси преку институционални канали и разговори со претставници на институциите на Европската Унија, да се излобира за некое прифатливо решение.
Во Брисел не се гледа со голем оптимизам тој предлог, меѓутоа не се отфрла целосно. Ние треба да настојуваме во изнаоѓање на решение кое ќе биде прифатливо и за нашите стратешки партнери. Ова не зависи многу од нив, туку од нашата волја и ангажман, вели министерот за европски прашања и главен преговарач со ЕУ, Орхан Муртезани околу барањето на Владата за уставни измени со одложено дејство.
Доколку не се случат уставните измени до декември и продолжување на европскиот пат, министерот вели дека како коалиција ВЛЕН дале рок од шест месеци, во кој што Владата мора да понуди решение за надминување на кризата.
