Министерски состанок на НАТО во Брисел, на кој ќе биде присутен и министерот за надворешни работи, Тимчо Муцунски. Тој ќе учествува на редовниот состанок на шефовите на дипломатиите на земјите членки на Алијансата, ќе се обрати пред членовите на Комисијата за надворешни работи во Европскиот парламент, а ќе оствари средби и со европратеници.
Во фокусот на разговорите, се посочува, ќе биде потребата од забрзување на евроинтегративниот процес на државата, со акцент на спроведувањето на реформите, како и нашата посветеност на исполнување на критериумите за членство.
