На денешната прес-конференција за медиумите се обратија портпаролот на Владата на Република Македонија, Марија Митева, директорот на ФЗОМ, Сашо Клековски, и директорот на Градската општа болница (ГОБ) „8 Септември“ во Скопје, Синиша Стојаноски.
Митева започна со актуелни информации, нагласувајќи дека се вршат промени во контролните активности и следува нови податоци за инспекциите од Државниот пазарен инспекторат:
„Како што најавивме, ќе продолжиме на дневна основа да ве информираме за резултатите од теренските проверки. Новите сознанија кои ги имаме до сега се следни: од контролата направена на 12 објекти со активни лиценци, три од нив не ги исполнуваат минимум техничките услови, а сепак се лиценцирани да вршат дејност. Контролата на останатите девет објекти се уште трае, а детални информации ќе бидат излезени во текот на денот.“
Понатаму, Митева посочи дека по констатираните неправилности ќе биде испратено барање до Министерството за економија за одземање на лиценците и забрана за вршење на дејност, како и за применување на сите можни казнени санкции согласно законската регулатива.
„На терен се постојано присутни над десет тима кои извршуваат контроли и тоа ќе продолжи и во наредните денови. Планирана е и проверка на објектите кои не поседуваат важечки лиценци, а работеле во минатото,“ додаде Митева.
Таа исто така нагласи дека трагедијата во Кочани не е изолирана и дека ја одразува слабоста на системот, наслеен од долгогодишна корупција, која ќе биде внимателно истражена и санкционирана.
„Никој нема да биде заштитен. Ние ја разбираме фрустрацијата на јавноста. Луѓето бараат правда и ќе ја добијат,“ заврши Митева.
