Македонија ќе додели нов пакет помош за Украина. Најавата дојде од министерот за одбрана Владо Мисајловски потенцирајќи дека тоа нема да никако да наштети на опремата која ја има армијата. Мисајловски вели дека Македонија ќе продолжи да помага затоа што сме пријатели, но помошта ќе биде согласно можностите на Македонија. Во исто време се работи на модернизација на армијата. За идната година од државната каса се одвоени сериозни суми за оваа намена , над 2 отсто од Буџетот.
Според експертите, помошта за Украина нема никако да и наштети на македонската Армија. Во однос на безбедносната состојба во Македонија, оценката на националниот совет дека ситуацијата е на добро ниво – е објективна, меѓутоа регионот вклучувајќи ја и Македонија е ранлив поради ситуацијата во Украина и најавениот нов бран на мигранти. Токму затоа предлогот за спојување на агенцијата за национална безбедност и за разузнавање е добар потег.
Мисајловски вели дека се внимава на сите радикални структури кои може да се појават,. Според него , една од најголемите закани се дезинформациите и влијанието што доаѓало од хибридните закани од Русија. Друга точка на која се внимава е таканаречената Балканска рута, односно зголемувањето на миграцијата на Балканот поради воениот конфликт на Блискиот Исток
Инаку, иницијативата за конференцијата „НАТО – 75 години единство, соработка и колективна одбрана: безбедносни предизвици за Европа“ е за на едно место да се соберат високи државни чинители, претставници на меѓународната заедница, експерти од областа на одбраната и безбедноста, кои заеднички ќе дискутираат за актуелните безбедносни предизвици кои ја засегаат Европа и регионот.
