Министерството за здравство обезбеди 7.500 вакцини против хепатитис Б

Министерството за здравство преку донација обезбеди 7.500 вакцини против хепатитис Б, со што 2.500 здравствени работници ќе имаат можност за имунизација и ревакцинација од ова сериозно вирусно заболување. Хепатитис Б го напаѓа црниот дроб и може да предизвика тешки здравствени компликации, а вакцинацијата е најефикасен начин за превенција, вели директорката на ИЈЗ, Марија Андоновска.