Македонија и Бугарија на вториот состанок на Мешовитиот комитет во Скопје, ја истакнаа својата посветеност за забрзување на постапките за изградбата на прекуграничниот железнички тунел, соопшти Министерството за транспорт.
Заменик министерката за транспорт Калтрина Зеколи Шаќири, изрази задоволство од постигнатиот напредок и заедничката работа.
Таа ја потврди посветеноста за забрзување на постапките и ја потенцира добиената поддршка од Европската Унија и финансиските институции за финансирањето на тунелот.
Заменик-министерката за транспорт и врски на Бугарија, Цвета Тимева, ја потврди подготвеноста на Бугарија да го води спроведувањето на постапки согласно бугарското и европското законодавство при изградбата на прекуграничниот железнички тунел.
– Нашата земја ќе даде силен поттик на проектот, соопшти заменик-министерката Тимева.
Таа ја информираше македонската страна дека во првата половина на 2027 година Бугарија ќе биде домаќин на регионалниот Самит посветен на поврзаноста. Ова е можност клучните инфраструктурни проекти да бидат претставени во поширока европска рамка со цел привлекување инвестиции, се наведува во соопштениеот од Министерството за транспорт.
