Капиталниот објект вреден 5 милиони евра, кој започна да се гради пред многу години не само што е далеку од реализација, туку и тоа што се изградило, пропаѓа. Затворениот пливачки базен почна да се гради во 2018-та , речиси во исто време со автопатот Кичево – Охрид и засега ја има истата судбина.
На објектот не се работи повеќе од година и пол, поради тоа министерот за спорт Борко Ристески најави раскинување на договорот со економскиот изведувач,изработка на нов проект и проценка колку ќе треба дополнително да се инвестираат сретстава за доизградба на базенот.
„Ние ќе почнеме во најбрз можен рок ревизија на работите во базенот, парцијална само за базенот за да не ја закочиме целата процедура за побрзо започнување на дограбата, така да ревизијата ќе ни каже дали ќе има можност за кривична пријава.Ако ревизијата утврди дека има можност за кривична пријава,бидете сигурни дека ќе го направиме тоа” рече Борко Ристески, министер за спорт.
Инаку во рамките на денешната посета на Охрид, премиерот Христијан Мицкоски придружуван од градоначникот Кирил Пецаков покрај базенот, направија обиколка и присуствуваа на отпочување на работите за изградба на спорска сала во село Лескоец, проект вреден 30 милиони денари.
„Проект ветуван 30-тина години, конечно ќе излезе на виделина и ќе добиме модерен спортски комплекс затоа што на она ќе се надоградат уште неколку инвестиции меѓутоа започнива со спортска сала каде што не само ученицити туку и жителите ќе можат да уживаат и да се рекреираат” рече Кирил Пецаков, градоначалник на Охрид.
Со фрлање на кемен темелник отпочна изградбата намилтифункцинално повеќенаменско игралиште во населбата Видобишта а беше пуштена во употреба сообраќајницата дел од булвар кој ќе биде модерен влез во Охрид од страна на Битола.
„Еден навистина импознатен инвестициски циклус и дополнително сега со ребалнасот ќе бидат предвидени сретства за општините и за нови проекти за крајот на оваа година, подготвени се од општината проекти за следната година така што тоа што со децении не било работено во Охрид и Македонија не било работено, ќе биде сработено сега” рече Христијан Мицкоски, премиер.
Три недели како е избрана новата влада но даваме се од себе состојбата која ја наследивме а е аларманта и лоша да ја надминеме, подговени сме да ги решаваме проблемите како во Охрид така и во цела Македонија, рече Мицкоски.
Росица Голабовска
Министерот за спорт Борко Ристовски најави ревизија на изградбата на базенот во Охрид (youtube.com)
