Реклама

Извештајот на ЕК е јасен: Македонија одлична во реформите, проблемот е „наследството“ од СДСМ и ДУИ преточено во Бугари во Устав

Меѓу лидерите во реформите, блокирани кон ЕУ поради уставните измени прифатени од СДСМ и ДУИ

Над 500 пензионери подигнале пари од Алта банка, денеска исплата на социјална помош

Двајца во притвор, еден во ќукен, еден во бегство по вчерашната полициска акција во Куманово

Владата бара купувач за Алта банка – Мицкоски тврди дека банката е во одлична финансиска кондиција

Историски најголема разлика помеѓу извозот и увозот, во државата влегуваат повеќе девизи

Мицкоски: Граѓаните да бидат спокојни, до денар ќе си ги добијат своите пари

Дождовите ја спасија есенската сеидба на житото, земјоделците чекаат да се засуши земјата за да влезат во нивите

Граѓаните кои немаат платежни картички, а имаат сметки во „Алта банка“, од денеска можат да си ги подигнуваат парите

Град Скопје ги ослободува младите брачни парови од плаќање комуналии за изградба на куќа

Полициски специјалци во акција во Куманово – Се разбива организирана криминално-лихварска група

Хаос на европското небо – лажни дојави за бомби го пореметија авиосообраќајот

Македонија

Министерот Николоски со план за нови авиолинии, средства за субвенции ќе има за летови од скопскиот и охридскиот аеродром

Македонската влада вети дека ќе го подобри воздушното поврзување на земјата со…

Сподели:
Фото: Алфа Вести

Македонската влада вети дека ќе го подобри воздушното поврзување на земјата со плановите да започне нова шема за субвенционирање следната година за воведување нови линии од аеродромите во Скопје и Охрид.

Најголемиот медиум за авијација во поранешна Југославија, exyuaviation, пренесува изјава од министерот Александар Николоски и ја анализира состојбата на оваа тема.

„Донесовме одлука да формираме работна група која ќе ги испита сите можности за зголемување на бројот на летови од аеродромите во Скопје и Охрид. Нашата цел е следната година да лансираме нови дестинации кои во моментов не се опслужуваат од Скопје и Охрид. Како резултат на тоа, би дочекале многу повеќе туристи, но и би им овозможиле на Македонците полесно и поевтино да патуваат во странство,“ изјави вицепремиерот и министер за транспорт и врски Александар Николоски.

Реклама

Николоски рече дека Владата ќе започне преговори со авиокомпаниите.

-Ќе разговараме со неколку меѓународни авиопревозници кои нудат брзи и евтини летови и убеден сум дека следната година ќе имаме многу повеќе дестинации, рече тој.

Македонската влада тендерите за воведување нови услуги ги спроведува од 2013 година и досега има одржано четири од нив. Сите ги освои Wizz Air, која беше единствената авиокомпанија што аплицираше, со исклучок на последната во 2023 година, во која беше вклучена и Lufthansa. Wizz Air не ги воведе сите планирани нови линии врз основа на кои го доби претходниот тендер поради тековните проблеми со возниот парк.

Според условите од програмата за субвенционирање, авиокомпаниите се обврзани да продолжат со новоотворените линии по завршувањето на субвенциите, во спротивно ќе треба да ги вратат средствата.

Николоски не ја прецизираше вредноста на планираните нови субвенции ниту дали ќе биде распишан јавен повик.

Аеродромскиот оператор ТАВ Македонија претходно соопшти дека работи на воспоставување нови летови од скопскиот аеродром, со акцент на услугите кон Шпанија, како и кон западноевропските метрополи, пренесува Ex Yu Aviation.