Реклама

Мора да има широка дебата: Нов Кривичен законик, нова шанса да се исправи катастрофата оставена од СДСМ и ДУИ

Нов удар за „СДСМ“: Триесеттина членови од OO Ѓорче Петров преминаа во „ЗНАМ“

Ива Михаилова тајно снимена: Закани, притисоци, услови- бегалката мора да игра по нотите на бугарските тајни служби

Штипската брза помош доби три амбулантни возила со современа медицинска опрема

Од илјадници стада до напуштени пасишта – Галичица се соочува со природна промена

Туризмот расте – целите за 2030 постигнати четири годано порано, се најавуваат нови чартер летови до Охрид

Енергетска криза во Европа – експертските поддржуваат активирање на сите домашни капацитети за стабилни цени во Македонија

Семакедонска средба во Штип – борбата за идентитетот и правата продолжува

Изградбата на автопатот Кичево-Охрид оди според планот, се најавува негово пуштање во мај следната година

Реформите во заврша фаза- Македонија во очекување на нови милиони евра од ЕУ преку Планот за раст

Се проширува достапноста на услугите на Алта банка – од понеделник се отвора експозитура во Прилеп

Костадиновски: Во 2023 година ѝ беше нанесен тежок удар на правната држава, се надевам грешките ќе бидат исправени

Македонија

Министерот Мисајловски во Братислава имаше одвоени средби со министрите за одбрана на Чешка и на Словачка, Зуна и Калинак

Министерот за одбрана Владо Мисајловски денеска во Братислава, Словачка заедно со останатите…

Сподели:
Фото: Алфа Вести

Министерот за одбрана Владо Мисајловски денеска во Братислава, Словачка заедно со останатите високи гости на свечен начин го означи отворањето на Меѓународниот саем за одбранбена и безбедносна технологија – IDEB на кој над 150 излагачи од 16 земји претставија нови и современи воени системи и опрема.

На маргините на саемот министерот Мисајловски имаше две одвоени средби со неговиот колега и домаќин, министерот за одбрана на Словачка, Роберт Калинак и со министерот за одбрана на Чешка, Јаромир Зуна. На средбите беше потврдена меѓусебната посветеност за јакнење на одбранбената соработка и зацврстување на капацитетите на Алијансата за одбрана и одвраќање, соопшти Министерството за одбрана.

На средбата со министерот за одбрана на Словачка, Калинак, Мисајловски се заблагодари за поканата за учество на саемот и во оваа прилика го нотираше позитивниот исход од првата седница на мешовитата Комисија за економска соработка меѓу двете земји реализирана во март, каде во доменот на одбраната опфатени беа повеќе теми како развојот на соработката во одбранбената индустрија, модернизацијата и опремувањето, зајакнувањето на заедничките обуки и вежби, како и меѓусебната размена на експертско ниво.

Реклама

Словачкиот министер Калинак се заблагодари за учеството на македонската делегација предводена од министерот Мисајловски на Меѓународниот саем во Братислава и порача дека македонско-словачката соработка има силен потенцијал и дека нејзиниот развој може да биде силен поттик за зацврстување на безбедноста и стабилноста во евроатлантската област.

Блиските одбранбени односи и меѓусебна доверба се можност за дополнителен заеднички развој на соработката, беше потврдено на средбата со чешкиот министер за одбрана Зуна.

„Двете земји имаат изградено блиски одбранбени односи и меѓусебна доверба која ни овозможува да го искористиме сиот потенцијал за заеднички развој“, истакна Мисајловски на средбата со министерот Зуна.

Мисајловски предложи соработката да се развива во повеќе области, меѓу кои и логистиката, оперативното планирање, како и практична соработка која може да го зацврсти придонесот во рамките на операциите и мисиите на заедничката Алијанса. Министерот се осврна и на заедничката реализација на семинари, работилници и експертските разговори, а како суштински елемент, рече, предвид треба да се земе и соработката во доменот на одбранбената индустрија и преносот на технологии.

Министерот Зуна изрази подготвеност за дополнително интензивирање на одбранбената соработка, имајќи предвид дека капацитетите на двете земји се составен дел на колективната одбрана на Алијансата, стои во соопштението од Министерството за одбрана.