Министерот за одбрана Владо Мисајловски денеска во седиштето на НАТО во Брисел учествува на состаноци на Северноатлантскиот совет на ниво министри за одбрана, на кои во фокус се колективната одбрана, инвестициите во одбранбените капацитети и подготовките за претстојниот Самит на Алијансата.
На состаноците, како што е најавено, ќе стане збор за зацврстување на одбранбените способности на НАТО преку континуирано вложување во одбраната, развој на вооружените сили и јакнење на одбранбената индустрија.
Во текот на денот, Мисајловски ќе учествува и на состанокот на Контакт-групата за Украина, каде се очекува земјите членки и партнерите да ја потврдат поддршката за Украина и да разговараат за понатамошна координација на помошта во одбранбениот сектор.
