Барањето на синдикатите за минимална плата од 600 евра, поднесено од СДСМ, влезе во собраниска процедура. Сепак, измените на Законот не го помина првиот собраниски филтер, односно Комисијата за економски прашања. Пратениците од опозицијата бараат покачување на најниската плата поради континуираниот раст на инфлацијата.
Во предлогот се наведува дека постојното ниво на минималната плата не обезбедува доволна заштита на животниот стандард и не ја следи реалната структура на трошоците на едно просечно домаќинство, а најпогодени се граѓаните со најниски примања. Пратениците од власта пак велат дека за зголемувањето на минималната плата треба да се договорат синдикатите и работодавачите и дека Владата како работодавач го решила проблемот со платите на вработените во јавниот сектор.
